حوار انا وصديق عن الوحدة

بموجب لكلام وقصة خلكت بيني مع صديق كلمة وحدة ...تفضلو هذي هي قصة

*******************
زهرة / النصر نبنوه ونحنا مجتميع... وحلم نعيشوه ونحنا مفتخرين...كافي من لخبار الا عدنا اثنين اثنين...بوجه الظلم واكفين....وعن خوتنا مدافعين....وعن عزمنا مانا متخليين...انا وانت كافيين نحقو انتصار ومأمنين...عن فتجمع قوة وفي تفرق مختذلين....

الصديق/ يا لصحرا من بكيك لمتين كلحمد الما ضاع عينيك بالدخان امتن الدندين ذي لقصاف الصمكت وذنيك

/لحك لي رسالة للشعب ولا عسك لا ترخيها كون فليد لي ما تصحب لعداي الا تسكت بيه اكول الهم سابك لخبار عن احن صغار اكبار صحرتن ما يكعدفيه لعدو متمونك كل انهار الرايات اظل اعليه فسماها وظل الشعار ينكال الا تكعد فيها ساعة ما شعلة زاد النار والبارح شعلة راعيها . . .

زهرة / الهم فينا يجدد ...وتخمام في غدا يشتت...وخوك كدامك يدكدك...وانت معاه تتخبط....باحر يكانك تم حذاه تندد ...ولاتوغد سابك ماعدت اتفتف

الصديق/ كايلك يمي يرحم بوك ..... وكتن كلتي ذا الكايلة ..... كلتيه ا على صفحة فسبوك.... فطني مانك متخايلة

زهرة/ انا وانت مغنين للجرح المتاكد...مافينا طاير متحرر...كون كلمتنا تجدد...فينا حلم باغي يتوحد...في تقرير المصير يوحدد... وفي حياة يتوجد...وبين العالم يندد ...

الصديق / ان وانتي يالغالية ..... قوتن ماهي بسيطة ....بينا لرادة عالية ....ما نبغو ذي التخليطة ....وامع ذيالناس الخالية..... ماتجمعن خريطة

زهرة/ قصتنا قصة وحدة ...دولة محرومة من الحياة...دفنو الشيب والشباب...وطلبونا للخدمة بلا عزة...وينكم يا شعب الوحدة...تفصلو رجالة عن لمات ...وتعلموه لاش حياة...الي بلا كرامة لهي ينداس...والي رضى بذل اكيد لهي يموت بلا عزة

الصديق/ قصتن وحدة ذاك حك....ولبينا لحتلال اطغى ....واصبح ما فينا حد ازمك....من ويلا السجن التغى

زهرة / مولانا عالم بحال ...ولا كط بطى حال على حال...ماخالك شي ينكالو محال...ربك مع مظلوم ينصر لحوال

جميل جدا زهرة انتي شاعرة في حساني ماكنا ندري جميل

شكرا اختي ليلى